Latvıa qaýipsizdik qyzmetkerleri áleýmettik jelilerde Latvıanyń Reseıge qosylýyn qoldaıtyndardyń qolyn jınaǵan azamatty tutqyndady. Bul týraly Qamshy.kz  portaly Delfi.lv portalyna silteme jasaı otyryp habarlaıdy.

27 aqpan kúni Latvıa Respýblıkasynyń qaýipsizdik qyzmetkerleri ınternet arqyly Latvıanyń Reseıge qosylýyn qoldaǵan belsendini quryqtaǵan. Arnaı júrgizilgen tintý kezinde onyń úıinen birneshe kompúterlik tehnıka  tárkilengen. Tárkilengen kompúterlerdiń ishinde Latvıa Pespýblıkasynyń Reseı Federasıasyna qosylýyn qoldaǵan myńdaǵan azamattyń qoly jınalǵan qujattar tabylǵan.

Qazirgi tańda  tutqyndalǵan azamatqa qatysty Latvıa Qylmystyq kodeksiniń 82 baby, 1 tarmaǵy boıynsha "Latvıa Respýblıkasynyń terrıtoorıalyq tutastyǵyna nuqsan keltirýge árekettený" degen aıyp taǵylyp, qylmystyq is qozǵalǵan.

Sondaı-aq, tutqyndalǵan azamatty tintý barysynda onyń buǵan deıin de áleýmettik jeliler arqyly Latvıa qoǵamynda daý týdyrǵan áreketter jasaǵany anyqtaldy.